nikoka nijam ceppalani.. Neekoka Nijam Cheppalani

చిరు బాల్యపు చిలిపితనమనుకో..
కౌమారపు తొలివలపనుకో..
ప్రౌఢపు పలు వాంఛల, చింతల కదంబమనుకో..
నాకూహ తెలిసి
నా మదిని రేగిన పెను తుఫానుల సారం..
ప్రేమలు, బాధలు,
వేదాంతం, వైరాగ్యం,
ఆరాటం, విరహం,
కోరికల సమూహం,
ఇవన్నీ కలగి, కనలి,
సంక్షిప్తమై, సంరావమై,
ఘనీభవించిన ఒక నిజం
నా కవిత్వం.
ప్రతి సాయంత్రం సముద్రపు తీరం
క్షితిజంలో నీకోసం వెదుకుతూ
నే విసిరిన గాజుసీసాల సందేశాల హారం
ఈ నిజం - నా కవిత్వం.