E folmja e Hotit

Hoti bën pjesë në trevën e Malësisë së Madhe, e cila, siç dihet, shtrihet midis luginës së Vuthajve dhe Luginës së Rrjollit inkluzivisht, ndërsa në anën perëndimore mbërrin deri tek fusha e Shkodrës, me kufi ndarës lumin e Vrakës. (Shih P. Geço, Gjeografia fizike e Shqipërisë, Tiranë, 1963, f. 127). Hoti vetë kufizohet: nga veriu me Kelmendin, nga lindja me Katundin e Kastratit, nga perëndimi me Grudën. Nga veriperëndimi piqet edhe me Trieshin, ndërsa nga jugu ka Bajzën e Kastratit dhe Virin (pjesë e liqenit të Shkodrës)