Seyalemoya

“Seyalemoya" ke pokello ya diteramaketsahalonngwe tse neng di ngoletswe ho haswa radiyong feela tsa ngolollwa tsa nto hlophisetswa ho balwa le ho bapalwa sebayeng. Mongodi o sebedisitse ditshwantshiso tsena ho fana ka thuto ya sengolwa se bitswang tshwantshiso ka kakaretso. Le ha thuto ena e le makeno feela mme e le kgutshwane, ntlha tsa bohlokwa tsona di hlahisitswe mme di lekane. Mongodi o tsamaile hape a ntse a botsa dipotso tseo moithuti a ka lekolang kutlwisiso ya hae ka tsona. Kaekae mongodi o fane ka dikarabo tsa dipotso tseo, mme tse ding dipotso a di tlohella moithuti hore a iketsetse tsa hae diphuputso mme a iphumanele dikarabo. Qetelong, ho fanwe ka lethathamo la mantswe ao moithuti a tla ikgopotsang ka ona seo a ithutileng sona dithutong tsa Papadi. Moithuti o lebeletswe ho fana ka ditlhaloso tsa mantswe ao. Ya kgaola ya ya!