Lenong La Gauta

Padi ya "Lenong la Gauta" ke mohuta wa padi ye e bitšwago padi ya botseka. E bitšwa bjalo ka ge e ithekgile godimo ga dinyakišišo tšeo di nepilwego go kgoboketša bohlatse bjo ka bjona yo mongwe a kago begwa goba go latofatšwa ka bosenyi. Go na le dihlopha tše pedi tša banyakišiši mo pading ye: Nnono Molaba yo e lego magogorwana goba setlaboswane mo mererong ya dinyakišišo le maphodisa ao motho a ka rego ke bomatwetwe mo go taba ya go dira dinyakišišo.