Bokspronge: Goue oomblikke in Springbokrugby

Geheime taktieke, kleedkamer-praatjies en wenplanne... Wat gebeur alles agter die skerms in die Springbok-span? Die sportjoernalis Stephen Nell onthul die binnewerkinge en hartklop van Springbok-rugby. Hy gesels met oudspelers, afrigters en administrateurs soos Nick Mallett, Jake White en Brendan Venter oor wat dit verg om 'n Springbok te wees en om dié nasionale span aan te voer. Alles van Springbok-wees - die kameraadskap, die spiritualiteit en die sportmanskap - word in dié boek aan die lig gebring.