TANONG AT SAGOT: BAHAGING USAPIN NG SIMBAHAN

Nasa pangunahing turo ng Iglesia Filipina Independiente (IFI) na ang Biblia ay ang dapat na maging gabay sa pananampalataya, at higit na dapat bigyang pansin dito ang pinakamahalagang salita ng Tagapagligtas: “Ibigin mo ang Panginoon mong Diyos nang buong puso, nang buong kaluluwa, at nang buong pag-iisip. Ito ang pinakamahalagang utos. Ito naman ang pangalawa: Ibigin mo ang iyong kapwa gaya ng iyong sarili. Sa dalawang utos na ito nakasalalay ang buong Kautusan ni Moises at ang turo ng mga propeta.” (Mateo 22:37-40). Ito ang mga unang katagang binibigkas sa Binyag ng IFI. Ang Makabayang Simbahang Filipinista/Aglipayano ay naniniwala na ang mapagmahal na Panginoon ay ganap at tunay na Panginoon (at hindi ang "makapangyarihang mananakop"), lahat ay magpapahalaga sa kautusang “mahalin ang kapwa” at ito ay tiyak na magbubunga ng mapayapang mundo. Nakasulat, “Wala nang ibang utos na hihigit pa sa mga ito” (Marcos 12: 31). Lahat ay nakasalalay sa dalawang utos na ito!