An Gobán Saor

CÚPLA céad bliain i ndiaidh aimsir Phádraig Naofa bhí fear in Éirinn a raibh cáil na ceardaíochta air. Saor den scoth ba ea é nach raibh a mhacasamhail

ina thír féin ná in aon tír eile ach oiread. Bhí de chlú air nach raibh éinne ar domhan a bhéarfadh an chraobh uaidh in obair tógála. A shliocht air, deirtear gur thóg sé tithe taibhseacha, dúnta daingne agus séipéil áille ní hamháin in

Éirinn ach in an-chuid tíortha eile chomh maith.

Bhain dainséar leis an obair sin go minic. Ar ócáid amháin agus pálás á thógáil aige do Rí Thír na Gruaime is beag nár maraíodh é féin agus a mhac (nár mhac leis é i ndáiríre – ach míneofar é sin ar ball!)