Manifesto de la Komunista Partio: kun enkonduko de Eric Hobsbawm

Jen la fama Manifesto de la Komunista Partio, nomata ankaŭ simple La komunista manifesto, kune verkita de Markso kaj Engelso fine de 1847 kaj aperinta en 1848. Tiu teksto estas ankaŭ nuntempe la fundamento, sur kiu baziĝas marksisma teorio kaj praktiko, kaj samtempe bona kaj konciza ŝlosilo por la kompreno de tio, kio hodiaŭ okazas en la mondo.
Eric Hobsbawm en sia enkonduko opinias, ke la tiam junaj kaj geniaj aŭtoroj ne priskribis la kapitalismon tia, kia ĝi montriĝis en ilia epoko, sed tia, kia ĝi estas nuntempe, en nia 21-a jarcento. Kaj li instigas la junulojn legi ĝin por kompreni la mondon, en kiu ili vivas.