Bjørnen Tor lagar ei gulrot

Bjørnen Tor er ein liten teddybjørn med eit stort hjarte, som likar å oppleve noko nytt, ete gulrøter og synge. Han bur saman med mennesket sitt, på Vestlandet, nær fjell og fjordar.

Fleire barnebøker er skrivne om opplevingane hans, med flotte fotografi og rundt 1000 ord. Kvar bok inneheld ein song han laga i løpet av historia som blir fortalt.

I forteljingane så bakar han, dyrkar grønsaker, fiskar, reiser, leikar, feirar jul, står på ski og er saman med vennar. Han får lov til å prøve nye ting og gjere sine eigne feil. Alltid med kjærleg rettleiing frå mennesket sitt, som bidreg med kreative svar og forklaringar på livet og det dei opplever.

I denne boka møter vi Bjørnen Tor mens han er ute og plukkar løvetann. Plutseleg skjer det noko som gir han ein ide: Han vil lage ei gulrot! Heldigvis sier mennesket ”ja”, og snart kan han sette i gong. Han bygger gulrotseng, sår frø, og passar på plantane i mange veker. ”Gulrot-songen” blir til mens han held på, og den hjelper nok plantane til å vekse. I alle fall får han meir enn ei gulrot til slutt.

Barn i alle aldrar vil fryde seg over denne forteljinga om pågangsmot, undera i naturen og dei enkle gledene i livet.